ارتجال بقلم:نجلاء نصير

نامت الحقيقة وسط التوهة
وقلت لها فوقي قالت ليه
ما الظلم عشش هنا بايديه
ولوعاوزني افوق اقتل ابن الايه



كل الحكاية اننا عاشقين
نور الحقيقة وليها منتظرين
يهرب اليأس والخوف اللي
عشش في قلوبنا من سنين




ياليل ايه حكايتك وياي
عيني م تنام وانت سهران وياي
اقول وتقول نبتدي منين الحكاية
وقصة هواي غناها الراوي معايا


هو البر فين وأنا أرسي عليه
سارح في ملكوت الرحمن
تمنيت اوصل لنهاية الشطأن
رد البحر وقال بتحلم يا تعبان



تعالوا نحمد ربنا علي نعمه
ونعيش بالرضا وننول فضله
دي الدنيا مهما طالت بنا
لازم يجي يوم ونقابله


ننول الرضا والعفو من الرحمن
وبعملنا الطيب نسكن فسيح الجنان
رحمته واسعة وبيغفرلك ذنوبك يا انسان
اصحي من الغفلة وفوق قبل ما يفوت الآوان